پینتیس سال پہلے پولیو ایک انتہائی متعدی مرض تھا جس سے ہر سال تقریباً 350,000 بچے مفلوج ہو جاتے تھے، لیکن اقوام متحدہ کی زیر قیادت اور عالمگیر کوششوں کے نتیجہ میں یہ تعداد اب 50 سے بھی کم ہے۔
اقوام متحدہ کے زیراہتمام سیٹلائٹ کے ذریعے فضا کی نگرانی سے میتھین گیس کے اخراج کی نشاندہی میں نمایاں بہتری آئی ہے۔ یہ گیس عالمی حدت میں اضافے کے تقریباً ایک تہائی کا سبب ہے مگر تشویش ناک طور پر صنعتیں اور حکومتیں اس کے اخراج کو روکنے کے لیے خاطرخواہ اقدامات نہیں کر رہیں۔
اقوام متحدہ کے سیکرٹری جنرل انتونیو گوتیرش نے کہا ہے کہ کوئی ملک شدید موسم کے تباہ کن اثرات سے محفوظ نہیں اور زندگیوں کو تحفظ دینے کے لیے تمام لوگوں کی قدرتی آفات سے بروقت انتباہ کرنے والے نظام تک رسائی ضروری ہے۔
اقوام متحدہ کے تعاون سے آج ایک نیا عالمی فورم قائم کیا گیا ہے جس کا مقصد ترقی پذیر ممالک کو ناقابل برداشت قرضوں کے بوجھ سے نجات دلانا ہے جس کے باعث تین ارب سے زیادہ لوگوں کی نمائندہ معیشتیں صحت یا تعلیم کے مقابلے میں قرضوں کی ادائیگی پر کہیں بڑی رقم خرچ کرنے پر مجبور ہیں۔
موسمیاتی تبدیلی پر اقوام متحدہ کے فریم ورک کنونشن (یو این ایف سی سی سی) کے سربراہ سائمن سٹیئل نے رکن ممالک پر زور دیا ہے کہ وہ 'کاپ30' سے قبل موسمیاتی مقاصد کے لیے مالی وسائل کی فراہمی میں اضافہ کریں کہ ترقی پذیر ممالک کے پاس بگڑتے طوفانوں، سیلاب اور خشک سالی سے نمٹنے کے لیے وسائل کی شدید کمی ہے۔
'میں پولیو کی وجہ سے چل پھر نہیں سکتا تھا۔ سکول میں جب دوسرے بچے کھیلتے تو میں انہیں دیکھ کر اداس اور مایوس ہو جاتا تھا۔ اسی لیے میں نے ویکسینیٹر کا کورس کیا تاکہ دوسرے بچوں کو پولیو جیسی مفلوج کر دینے والی بیماری سے بچا سکوں۔'
دنیا میں 72 فیصد تجارت عالمی تجارتی تنظیم (ڈبلیو ٹی او) کے قواعد کے تحت ہوتی ہے۔ تباہ کن تجارتی جنگوں سے بچنے کے لیے اصولوں پر مبنی اس نظام کو برقرار رکھنا بہت ضروری ہے۔
دنیا کے تقریباً 80 فیصد غریب لوگ ایسے علاقوں میں رہتے ہیں جہاں انہیں شدید گرمی، سیلاب اور دیگر موسمیاتی خطرات کا سامنا ہے۔ اقوام متحدہ کے ترقیاتی پروگرام (یو این ڈی پی) کی نئی رپورٹ میں بتایا گیا ہے کہ یہ صورتحال موسمیاتی بحران اور غربت کے مابین قریبی تعلق کی نشاندہی کرتی ہے۔
اقوام متحدہ کے سیکرٹری جنرل انتونیو گوتیرش نے کہا ہے کہ دنیا کو متحد ہو کر ایسے غذائی نظام قائم کرنے کی ضرورت ہے جوتمام لوگوں کو خوراک مہیا کریں اور کرہ ارض کے تحفظ میں مددگار ہوں۔
پاکستان میں اقوام متحدہ کے ترقیاتی پروگرام (یو این ڈی پی) اور یورپی یونین کے اشتراک سے عدالتی معلمین کی پہلی کانفرنس کا انعقاد عمل میں آیا ہے جس سے عدالتی تربیت کو جدید تقاضوں سے ہم آہنگ کرنے، عدالتی تربیت گاہوں کے مابین تعاون کو فروغ دینے اور انصاف کی فراہمی کو موثر بنانے میں مدد ملے گی۔
