اقوام متحدہ کے ہائی کمشنر برائے انسانی حقوق وولکر ترک نے کہا ہے کہ عالمی عدالت انصاف (آئی سی جے) نے بین الاقوامی قانون کے تحت غزہ اور مقبوضہ مغربی کنارے میں اسرائیل کی ذمہ داریاں واضح کر دی ہیں جو بطور قابض طاقت فلسطینیوں کو زندگی گزارنے کے لیے درکار وسائل کی فراہمی میں سہولت دینے کا پابند ہے۔
عالمی عدالت انصاف (آئی سی جے) نے اقوام متحدہ کی جنرل اسمبلی کی درخواست پر مشاورتی قانونی رائے جاری کرتے ہوئے کہا ہے کہ اسرائیل مقبوضہ فلسطینی علاقوں میں امداد کی فراہمی میں سہولت اور اقوام متحدہ کے اہلکاروں کو تحفظ دینے کا پابند ہے۔
جبری گمشدگی کے مسئلے پر اقوام متحدہ کے ورکنگ گروپ نے کہا ہے کہ عالمی فوجداری دائرۂ اختیار اس جرم کے ذمہ داروں کا احتساب کرنے اور متاثرین پر مرکوز اقدامات کو یقینی بنانے کا موثر ذریعہ ہے جس کا جامع طور سے اطلاق ہونا چاہیے۔
پاکستان میں اقوام متحدہ کے ادارہ انسداد منشیات وجرائم (یو این او ڈی سی) منظم جرائم کے خلاف ملک کی پہلی قومی حکمت عملی کی تیاری میں مدد دے رہا ہے جس سے منشیات اور انسانی سمگلنگ، سائبر جرائم اور سرحد پار غیر قانونی سرگرمیوں جیسے سنگین جرائم سے موثر طور پر نمٹنے میں مدد ملے گی۔
پاکستان میں اقوام متحدہ کے ترقیاتی پروگرام (یو این ڈی پی) اور یورپی یونین کے اشتراک سے عدالتی معلمین کی پہلی کانفرنس کا انعقاد عمل میں آیا ہے جس سے عدالتی تربیت کو جدید تقاضوں سے ہم آہنگ کرنے، عدالتی تربیت گاہوں کے مابین تعاون کو فروغ دینے اور انصاف کی فراہمی کو موثر بنانے میں مدد ملے گی۔
لبنان اور اسرائیل کی سرحد پر تعینات اقوام متحدہ کی عبوری امن فورس (یونیفیل) نے اطلاع دی ہے کہ اس کی عملداری والے علاقے میں اسرائیلی فوج کی عسکری موجودگی اور سرگرمیاں بدستور جاری ہیں۔
جمہوریہ کانگو میں اقوام متحدہ کے امن مشن (مونوسکو) کے لیے خدمات انجام دینے والی نائجیریا کی خاتون افسر اولوکیمی ایبیکونلے قید خانوں کے نظام میں اصلاحات لانے پر اقوام متحدہ کے ٹریل بلیزر (مخترع) ایوارڈ کی حق دار قرار پائی ہیں۔
اقوام متحدہ کے ہائی کمشنر برائے انسانی حقوق وولکر ترک نے بین الاقوامی فوجداری عدالت (آئی سی سی) کی جانب سے علی محمد علی عبدالرحمن (علی کشیب) کو سوڈان کے علاقے ڈارفر میں 2003 اور 2004کے دوران جنگی اور انسانیت کے خلاف جرائم پر سزا سنائے جانے کے فیصلے کا خیرمقدم کیا ہے۔
ہیٹی میں مسلح گروہ مزید علاقوں پر قبضہ کرنے کی کوشش کر رہے ہیں اور شہریوں کے لیے خوف کا ماحول برقرار ہے۔ اقوام متحدہ کی سلامتی کونسل نے اس تشدد کو روکنے اور جرائم پیشہ عناصر کی سرکوبی کے لیے ملک میں ایک نئی فورس تعینات کرنے کا فیصلہ کیا ہے۔
اقوام متحدہ کے سیکرٹری جنرل انتونیو گوتیرش نے برطانیہ کے شہر مانچسٹر میں یہودی عبادت گاہ (سینیگاگ) پر دہشت گرد حملے کی سخت مذمت کی ہے جس میں کم از کم دو افراد کے ہلاک ہونے کی اطلاع ہے۔
