خواتین

اقوام متحدہ نے بتایا ہے کہ گزشتہ سال 67 کروڑ 60 لاکھ خواتین ایسے علاقوں میں رہ رہی تھیں جو مہلک تنازعات کا شکار یا ان سے پچاس کلومیٹر کے فاصلے میں واقع ہیں اور یہ 1990 کی دہائی کے بعد ایسی سب سے بڑی تعداد ہے۔

افغانستان میں تقریباً 70,000 خواتین ریڈیو فیم سنتی تھیں جو ملک بھر میں خواتین اور لڑکیوں کو تعلیم اور ان کے حقوق سے آگاہی فراہم کرنے کا اہم ترین ذریعہ ہے۔

اقوام متحدہ کے ادارہ برائے خواتین (یو این ویمن) نے عالمی برادری سے مطالبہ کیا ہے کہ وہ جنگ بندی کے بعد غزہ کی بحالی میں خواتین اور لڑکیوں کا مرکزی کردار یقینی بنائے۔

اقوام متحدہ کی نائب سیکرٹری جنرل امینہ محمد نے خواتین کے حقوق اور صنفی برابری کے لیے چین کے کردار کو خراج تحسین پیش کرتے ہوئے کہا ہے کہ 30 سال قبل منظور کیے جانے والے بیجنگ اعلامیہ نے ترقی کے سفر میں دنیا کے لیے رہنما کردار ادا کیا ہے۔

اقوام متحدہ کے ادارہ برائے خواتین (یو این ویمن) نے لڑکیوں کے عالمی دن 11 اکتوبر سے قبل ایک بیان میں دنیا بھر میں اور بالخصوص بحرانوں اور تنازعات کا سامنا کرنے والی لڑکیوں کے حوصلے اور قیادت کو خراجِ تحسین پیش کیا ہے۔

اقوام متحدہ کے سیکرٹری جنرل انتونیو گوتیرش نے قیام امن کے عمل میں خواتین کے کردار میں کمی پر تشویش کا اظہار کرتے ہوئے کہا ہے کہ مزید خواتین کو امن معاہدوں کی تشکیل، سلامتی کے شعبے میں اصلاحات اور تنازعات کے بعد بحالی کے منصوبوں میں کردار ادا کرنا چاہیے۔

عالمی ادارہ صحت (ڈبلیو ایچ او) نے کہا ہے کہ اگرچہ کچھ مشاہداتی جائزوں سے یہ سامنے آیا ہے کہ حمل کے دوران پیراسیٹامول کے استعمال اور آٹزم کے درمیان ممکنہ تعلق ہو سکتا ہے لیکن یہ شواہد غیر مستقل ہیں۔

اقوام متحدہ کی جنرل اسمبلی کی صدر اینالینا بیئربوک نے بیجنگ اعلامیے کی 30ویں سالگرہ کے موقع پر منعقدہ بین الاقوامی کانفرنس میں ان افراد کی ہمت کو سراہا ہے جنہوں نے اعلامیے کے ہر جملے اور ہر لفظ پر عملدرآمد یقینی بنانے کے لیے لازوال جدوجہد کی ہے۔

صنفی مساوات کے لیے اقوام متحدہ کے ادارے 'یو این ویمن' نے بتایا ہے کہ افغانستان میں آنے والے تباہ کن زلزلے سے متاثرہ خواتین اور لڑکیوں کو اپنی زندگیوں اور روزگار کی بحالی میں بہت بڑے مسائل کا سامنا ہے جن پر قابو پانے کے لیے انہیں مدد کی دستیابی نہ ہونےکے برابر ہے۔