ہیٹی کے لیے اقوام متحدہ کے خصوصی نمائندے کارلوس روئز میسیو نے سلامتی کونسل کو بتایا ہے کہ ملک میں جرائم پیشہ مسلح جتھوں کی سرکوبی کے لیے بین الاقوامی فورس (جی ایس ایف) کی تعیناتی ملکی عوام کے لیے حوصلہ افزا ہے۔ ہیٹی کے حکام کو تشدد سے متاثرہ لوگوں کا تحفظ یقینی بنانے کے اقدامات کرنا ہوں گے۔
یورپ، وسطی ایشیا اور براعظم ہائے امریکہ کے امور پر اقوام متحدہ کے اسسٹنٹ سیکرٹری جنرل میروسلاوو جینکا نے امریکہ اور وینزویلا پر زور دیا ہے کہ وہ باہمی کشیدگی میں کمی لائیں اور ایسے اقدامات سے گریز کریں جن سے خطے میں امن و سلامتی کے لیے خطرہ ہو۔
اقوام متحدہ کے دفتر برائے انسانی حقوق (او ایچ سی ایچ آر) نے وینزویلا کی ماریا کورینا مچاڈو کو امن کا نوبیل انعام دیے جانے کا خیرمقدم کرتے ہوئے کہا ہے کہ یہ اعزاز ان کے لوگوں کی آزادانہ و منصفانہ انتخابات، شہری و سیاسی حقوق اور قانون کی حکمرانی کے لیے واضح امنگوں کا عکاس ہے۔
پناہ گزینوں کے لیے اقوام متحدہ کے ادارے (یو این ایچ سی آر) نے برازیل کی جانب سے نقل مکانی، پناہ گزینوں اور بے وطن افراد سے متعلق نئی قومی پالیسی کا خیرمقدم کرتے ہوئے اسے ملک میں نقل مکانی پر مجبور اور کمزور لوگوں کے حقوق، وقار اور شمولیت کے تحفظ کی جانب ایک تاریخی پیش رفت قرار دیا ہے۔
لاطینی امریکہ کے ممالک نے تیندوے کے تحفظ کے لیے ایک مشترکہ علاقائی منصوبے کی منظوری دے دی ہے جس کے ذریعے اس جانور کی نسل کو معدومیت کے خطرے سے بچانے میں مدد ملے گی۔
کولمبیا کے لیے اقوام متحدہ کے نئے خصوصی نمائندہ میروسلاو جینکا نے سلامتی کونسل کو بریفنگ دیتے ہوئے ملک میں نو سالہ امن عمل میں تعاون کے لیے ادارے کے مضبوط عزم کی توثیق کی ہے۔
ہیٹی میں مسلح گروہ مزید علاقوں پر قبضہ کرنے کی کوشش کر رہے ہیں اور شہریوں کے لیے خوف کا ماحول برقرار ہے۔ اقوام متحدہ کی سلامتی کونسل نے اس تشدد کو روکنے اور جرائم پیشہ عناصر کی سرکوبی کے لیے ملک میں ایک نئی فورس تعینات کرنے کا فیصلہ کیا ہے۔
عالمی پروگرام برائے خوراک (ڈبلیو ایف پی) نے خبردار کیا ہے کہ ہیٹی کے دارالحکومت پورٹ او پرنس میں جرائم پیشہ مسلح جتھوں کے بڑھتے ہوئے تشدد نے انسانی امداد کی فراہمی کو محدود کر دیا ہے جس کے باعث بڑے پیمانے پر بھوک پھیل رہی ہے۔
اقوام متحدہ کی سلامتی کونسل نے ہیٹی میں پولیس کی مدد کے لیے تعینات کثیرالملکی سکیورٹی مشن کو مسلح جتھوں کی سرکوبی کرنے والی فورس میں تبدیل کرنے کی منظوری دے دی ہے جسے ابتداً ایک سال کے لیے یہ ذمہ داری سونپی جائے گی۔
ہیٹی کے عبوری صدر اینٹنی فرینک لارنٹ نے اقوام متحدہ کی 80ویں جنرل اسمبلی کے عام مباحثے میں خطاب کرتے ہوئے عالمی برادری پر زور دیا ہے کہ وہ تشدد کے خاتمے اور امن کی بحالی کے لیے ان کے ملک کی ٹھوس مدد کرے۔
