پینتیس سال پہلے پولیو ایک انتہائی متعدی مرض تھا جس سے ہر سال تقریباً 350,000 بچے مفلوج ہو جاتے تھے، لیکن اقوام متحدہ کی زیر قیادت اور عالمگیر کوششوں کے نتیجہ میں یہ تعداد اب 50 سے بھی کم ہے۔
اقوام متحدہ کے سیکرٹری جنرل انتونیو گوتیرش نے خبردار کیا ہے کہ اگر سلامتی کونسل اپنے بنیادی مقصد کو سرانجام دینے میں ناکام رہی تو اس کی ’نازک‘ قانونی حیثیت عالمی امن کو خطرے میں ڈال سکتی ہے۔
اقوام متحدہ کے قیام کی 80ویں سالگرہ پر ادارے کے موجودہ سربراہ انتونیو گوتیرش نے اپنے پیغام میں کہا ہے کہ اس کا منشور ایک جاوداں وعدہ ہے جو سرحدوں کو عبور کرتا، براعظموں کو جوڑتا اور نسلوں کو متاثر کرتا ہے۔
عالمی ادارہ صحت (ڈبلیو ایچ او) نے موسم سرما کی آمد کے پیش نظر غزہ کو جانے والے تمام راستے کھولنے کی اہمیت پر زور دیا ہے تاکہ خوراک، ادویات، خیمے اور دیگر ضروری سامان ضرورتمندوں تک بروقت پہنچایا جا سکے۔
عالمی ادارہ مہاجرت (آئی او ایم) نے تیونس میں مہدیا کے ساحل کے قریب مہاجرین کی کشتی ڈوبنے کے واقعے پر گہرے افسوس کا اظہار کیا ہے جس میں 40 ہلاکتوں کی تصدیق ہو گئی ہے۔
اقوام متحدہ نے بتایا ہے کہ سوڈان کو دنیا کا شدید ترین انسانی بحران درپیش ہے جہاں تین کروڑ سے زیادہ لوگوں کو انسانی امداد کی فوری ضرورت ہے۔ ان میں 96 لاکھ لوگ اندرون و بیرون ملک بے گھر ہیں جبکہ ڈیڑھ کروڑ بچوں کو بقا کی جدوجہد کا سامنا ہے۔
مشرق وسطیٰ امن عمل کے لیے اقوام متحدہ کے نائب خصوصی رابطہ کار رامیز الاکبروف نے کہا ہے کہ تباہ کن جنگ اور ناقابل تصور تکالیف کے بعد اب اسرائیل فلسطین تنازع کی تاریخ کا ایک سیاہ باب ختم کر کے منصفانہ اور پرامن مستقبل کی راہ ہموار کرنے کا موقع پیدا ہوا ہے جس سے فائدہ اٹھانا ہو گا۔
اقوام متحدہ کے ہائی کمشنر برائے انسانی حقوق وولکر ترک نے کہا ہے کہ عالمی عدالت انصاف (آئی سی جے) نے بین الاقوامی قانون کے تحت غزہ اور مقبوضہ مغربی کنارے میں اسرائیل کی ذمہ داریاں واضح کر دی ہیں جو بطور قابض طاقت فلسطینیوں کو زندگی گزارنے کے لیے درکار وسائل کی فراہمی میں سہولت دینے کا پابند ہے۔
ہیٹی کے لیے اقوام متحدہ کے خصوصی نمائندے کارلوس روئز میسیو نے سلامتی کونسل کو بتایا ہے کہ ملک میں جرائم پیشہ مسلح جتھوں کی سرکوبی کے لیے بین الاقوامی فورس (جی ایس ایف) کی تعیناتی ملکی عوام کے لیے حوصلہ افزا ہے۔ ہیٹی کے حکام کو تشدد سے متاثرہ لوگوں کا تحفظ یقینی بنانے کے اقدامات کرنا ہوں گے۔
اقوام متحدہ یوکرین میں جنگ کے دوران چوتھے موسم سرما میں بھی متاثرہ لوگوں کی مدد کے لیے پرعزم ہے اور انہیں ہنگامی علاج اور انخلا میں مدد کی فراہمی سے لے کر توانائی کے مراکز کی مرمت تک بہت سی امدادی کارروائیاں انجام دے رہا ہے۔
