Son de estrelas
| Son de estrelas | |
|---|---|
| Tipo | programa de televisión  |
| Xénero artístico | Concurso-reality musical |
| Lingua orixinal | lingua galega |
| Autoría | |
| Presentador/a | Teté Delgado |
| Publicación | |
| País orixe | España |
| Compañía produtora | Voz Audiovisual |
| Emisora orixinal | Televisión de Galicia |
| Datas | |
| Comezo | 3 de febreiro de 2007 |
| Dimensións | |
| Tempadas | 2 |
| Contacto | |
| Redes |  |
| [ Wikidata ] | |
Son de estrelas é un programa concurso-reality musical, producido pola empresa Voz Audiovisual, e emitido pola Televisión de Galicia en 2007. Presentado por Teté Delgado, busca seleccionar un cantante de entre 54 participantes de todas as comarcas de Galiza e da emigración.
Descrición
[editar | editar a fonte]O concurso ten como obxectivo elixir o mellor ou a mellor cantante de entre todos os que se presentaron a un proceso de selección, e que actúan como representantes das súas comarcas. A esa primeira selección presentáronse 1.000 concursantes. Destes escolléronse 53, un de cada unha das comarcas de Galiza, e un máis en representación da Galiza da emigración.
O concurso non focaliza o aspecto de formación e adestramento, senón o apoio dos veciños e familiares, a través de documentais emitidos no programa. Polo tanto, está a medio camiño entre o docu-soap e o concurso-reality musical. Con todo, si que existe un asesoramento dos concursantes na preparación das pezas, na coreografía ou o vestiario.
O xurado da primeira edición compúñano Nonito Pereira, Pili Pampín, Anxos Ferradáns e Iria Pinheiro.
O casting da 2ª edición de Son de Estrelas comezou na comarca de Verín o 3 de decembro de 2007. Houbo outros en Caldas de Reis o 26 de decembro de 2007 no hotel Sena, no Porriño o 27 de decembro de 2007 no bar Liceum, e en Cangas o 28 de decembro de 2007 no hotel Jucamar.
Audiencia
[editar | editar a fonte]O programa tivo moito éxito. No mes de abril de 2007, por exemplo, acadou o 18,9% de cota de pantalla media.
Gañadores
[editar | editar a fonte]A gañadora da primeira edición foi Belén Monís, de Cualedro.
Galardóns e nomeamentos
[editar | editar a fonte]| Ano | Categoría | Receptor | Resultado |
|---|---|---|---|
| 2008 | Mellor comunicador | Teté Delgado | Nomeada |
