اس مشن کی ذمہ داریوں میں شہریوں کو تحفظ کی فراہمی، امدادی اداروں اور کارکنوں کو اپنے کام میں مدد دینا اور جمہوریہ کانگو کی حکومت کو ملک میں استحکام لانے اور امن کو مضبوط کرنے کی کوششوں میں تعاون مہیا کرنا شامل ہے۔

اقوام متحدہ کے امن کار سلامتی کی صورتحال کو بہتر بنانے اور شہریوں بالخصوص بے گھر لوگوں کے کیمپوں میں رہنے والوں کا تحفظ یقینی بنا کر امدادی کوششوں میں مدد دیتے ہیں۔

مقامی لوگوں بالخصوص خواتین اور بچوں کا تحفظ مونوسکو کی اہم ترین ترجیح ہے۔

کانگو کی مسلح افواج کے اہلکاروں کو اقوام متحدہ کے امن کاروں کے ساتھ تربیت دی جاتی ہے تاکہ وہ ملک کے مشرقی علاقے میں سلامتی کے مسائل پر بہتر طور سے قابو پا سکیں۔

امن عمل میں مدد دینے کا مطلب ملیشیاؤں کے مسلح ارکان بات چیت اور انہیں غیرمسلح ہونے پر آمادہ کرنا ہے۔

مونوسکو نے لوگوں کو آزادانہ نقل و حرکت میں سہولت اور تجارت کو فروغ دینے کے لیے سڑکوں کی بحالی میں مدد مہیا کی ہے جو ترقی کے لیے ایک ضروری عنصر ہے۔