Forsíða
60.168 greinar á íslensku.
Woodstock
Woodstock var tónlistarhátíð sem haldin var í Bethel í New York-fylki dagana 15. – 18. ágúst árið 1969. Hátíðin hefur oft verið kölluð „Hátíð tónlistar og friðar“ og er hún talin einn merkasti viðburður tónlistarsögunnar. Hátíðin var kynnt á þennan hátt: „Woodstock Music Festival; An Aquarian Exposition: Three Days of Peace and Music“. Ekki leikur vafi á öðru en að slagorðið hafi haft áhrif því að á hátíðina mættu um hálf milljón manns. Allt þetta fólk var mætt á 600 ekru bóndabýli í þeim tilgangi að vera í tengingu við náttúruna, hlusta á tónlist og njóta friðarins.
Á þessum tímum var hugtakið friður mjög áberandi í samfélaginu og fólk lagði mikið upp úr því að halda hann. Atburðir eins og Víetnamstríðið spiluðu þar virkan þátt en hátíðin hefur með tíð og tíma orðið eins konar táknmynd fyrir hippatímabilið. Skipuleggjendur hátíðarinnar voru fjórir ungir menn John Roberts, Joel Rosenman, Artie Kornfeld og Mike Lang, sá yngsti var þá 27 ára gamall.
Vissir þú...
- … að Linda Dröfn Gunnarsdóttir, framkvæmdastýra Kvennaathvarfsins, var á lista BBC yfir 100 áhrifamestu konur heims árið 2024?
- … að kalífinn Uthman ibn Affan lét safna saman staðlaðri útgáfu af Kóraninum sem enn er í notkun í dag og lét eyðilegga allar eldri útgáfur af bókinni?
- … að þýski rithöfundurinn Johann Wolfgang von Goethe var meðlimur í leynifélaginu Illuminati (sjá merki reglunnar á myndinni)?
- … að hugtakið in medias res, sem á við það þegar frásögn hefst „í miðjum klíðum“ í staðinn fyrir að byrja á byrjuninni, kemur fyrst fram í ritinu Ars poetica eftir Hóratíus (um 13 f.Kr.)?
- … að fyrstu geislaspilararnir komu á markað árið 1982?
Fréttir
- 18. maí: Nicușor Dan (sjá mynd) er kjörinn forseti Rúmeníu.
- 8. maí: Robert Francis Prevost kardínáli er kjörinn páfi undir nafninu Leó 14.
- 6. maí: Friedrich Merz tekur við embætti kanslara Þýskalands.
- 3. maí: Verkamannaflokkurinn vinnur sigur í þingkosningum í Ástralíu.
- 28. apríl: Frjálslyndi flokkurinn fer með sigur í þingkosningum í Kanada.
Yfirstandandi: Borgarastyrjöldin í Jemen • Borgarastyrjöldin í Súdan • Innrás Rússa í Úkraínu / Stríð Rússlands og Úkraínu • Stríð Ísraels og Hamas • Sýrlenska borgarastyrjöldin
Nýleg andlát: José Mujica (13. maí) • Lalli Johns (11. maí) • Þorsteinn Vilhjálmsson (10. maí) • Gunnlaugur Claessen (1. maí) • Hrafn Bragason (27. apríl) • Frans páfi (21. apríl)
20. maí
- 2002 - Austur-Tímor fékk sjálfstæði eftir 20 ára hersetu Indónesíu.
- 2006 - Finnland sigraði Söngvakeppni evrópskra sjónvarpsstöðva í fyrsta sinn með laginu „Hard Rock Hallelujah“ í flutningi þungarokkshljómsveitarinnar Lordi.
- 2006 - Þriggja gljúfra stíflan í Kína var fullgerð.
- 2010 - Fimm málverkum, þar á meðal eftir Pablo Picasso, Amedeo Modigliani og Fernand Léger, var stolið frá safninu Musée d'Art Moderne de la Ville de Paris.
- 2014 - 118 manns létust í sprengjuárás í Jos í Nígeríu.
- 2015 - Ríki aðskilnaðarsinna í Úkraínu, Donetsklýðveldið og Luhansklýðveldið, ákváðu að hætta við stofnun sambandsríkisins Novorossija.
- 2019 – Meirihluti landa heims samþykkti endurskilgreiningu SI-kerfisins. Mælieiningin kílógramm var endurskilgreind út frá Plancks-fasta.
- 2021 - Ísrael féllst á vopnahlé eftir þrýsting frá alþjóðasamfélaginu og dauða 250 manna.
- 2022 - Rússneski herinn lagði Mariupol undir sig eftir langt umsátur.
Systurverkefni
|
|
