Portada

Dámosche a benvida á Galipedia A enciclopedia libre que calquera pode editar	luns, 19 de maio de 2025 Versión para móbiles

Nesta versión en galego, que comezou o 8 de marzo de 2003, xa temos 221 353 artigos.

Benvida COMOs Preguntas frecuentes Comunidade Políticas Artigos de calidade Axuda

Artigo destacado

Os cromatóforos son células (ou grupos de células nalgúns taxons) que conteñen pigmentos e reflicten a luz dando cor, que se encontran nunha ampla variedade de animais, como peixes, anfibios, réptiles, crustáceos ou cefalópodos. Tamén se usa o termo en bacterias fotosintetizadoras, diatomeas e dinoflaxelados para referirse a vesículas ou plastidios na célula con concentración de pigmentos. Os mamíferos e aves, en vez de cromatóforos teñen células chamadas melanocitos que lles dan a súa coloración.

Os cromatóforos son en gran medida responsables de xerar a cor da pel e dos ollos en animais de sangue frío. Xéranse na crista neural durante o desenvolvemento embrionario. Os cromatóforos maduros agrúpanse en subclases baseándose na súa cor (máis propiamente o "ton") baixo a luz branca, que son: xantóforos (amarelos), eritróforos (vermellos), iridóforos (reflectivos/iridescentes), leucóforos (brancos), melanóforos (negros/castaños) e cianóforos (azuis).

Outros artigos destacados • Artigos de calidade

Sobre Galicia

Dorothé Schubarth, nada en Basilea o 11 de setembro de 1944 e finada na mesma cidade o 6 de setembro de 2023, foi unha investigadora, docente, musicóloga e compositora suíza. Tras facer estudos musicais na súa cidade natal, ampliounos logo en Colonia e Múnic. Rexistrou, xunto con Antón Santamarina, primeiramente o Cancioneiro galego de tradición oral, publicado en 1982, e, posteriormente, o monumental Cancioneiro popular galego en sete volumes, editado en 1984 e dixitalizado en 2012 pola Fundación Barrié. Recibiu, entre outros recoñecementos, o Premio da Crítica Galicia (1985), o Pedrón de Honra (2013), dedicóuselle o primeiro Día das Galegas nas Letras, no ano 2014, e foi nomeada Mestra da Memoria en 2019 pola Asociación de Escritoras e Escritores en Lingua Galega.

Outros artigos destacados sobre Galicia • O mes de maio na cultura popular galega

Tal día coma hoxe no ano...

1536, decapitan a Ana Bolena (na imaxe), a segunda esposa de Henrique VIII, na Torre de Londres.
1593, nace Jacob Jordaens, pintor flamengo (m. 1678)
1864, morre Nathaniel Hawthorne, novelista e escritor de historias curtas norteamericano (n. 1804).
1890, nace Ho Chi Minh, líder da independencia de Vietnam (m. 1969).
1935, morre Thomas Edward Lawrence, coñecido como Lawrence de Arabia, oficial de enlace británico durante a sublevación árabe de 1916 a 1918 (n. 1888).
1951, nace Joey Ramone, cantante da banda de rock The Ramones (m. 2001).

Máis efemérides do día de hoxe • Outras Efemérides destacadas

Imaxe do día

Capela de Santa Ana, en Tourón, Ponte Caldelas

Vexa o artigo capela

Outras imaxes destacadas • Imaxes destacadas en Commons

Presentación

A Wikipedia é unha enciclopedia universal en liña multilingüe, colaborativa e gratuíta. O propósito da Wikipedia é fornecer un contido libre, obxectivo e verificable que todas as persoas poidan editar e mellorar.

O proxecto está baseado en cinco principios básicos, todo o contido está dispoñible baixo a licenza Creative Commons BY-SA e pode ser copiado e reutilizado baixo esta mesma licenza.

Benvida • Índice da Axuda

Participación

Podes consultar a Axuda e a Guía para obter máis información de como participar, nas que atoparás información de como comezar a colaborar, editar artigos e usar imaxes libres. En caso de dúbidas síntete libre de preguntar.

COMOs • Preguntas máis frecuentes

Comunidade

De acordo coas nosas estatísticas, temos un total de 154 664 contas de usuario rexistradas na Galipedia, e entre elas 275 estiveron activas durante o último mes. Todas as persoas que editan a Galipedia son voluntarias, integrando unha comunidade colaborativa e coordinando os esforzos por medio de proxectos temáticos e diversos espazos de conversa.

Portal da comunidade • Políticas e normas