Zûc dai scacs

Il zûc dai scacs al è un zûc une vore antîc, che si zuie suntune taule cuadre dividude in 64 cuadrei (clamats cjasis) mieçs blancs e mieçs neris.

Par ordenari si zuie in doi, il prin al dopre i tocs blancs, il secont chei neris.

FIDE ^[1]

La Federazion internazionâl dai Scacs e je une organizazion che e met dongje plui di 200 associazions nazionâls di scacs di cinc continents. Fondât a Parîs (France) ai 20 di Lui dal 1924, il so motto al è ¨Gens una Sumus¨(in latin, O sin une Famee). La FIDE e je responsabil di organizâ i Campionâts del mont (sedi i ses, seniôrs sedi juniôrs) e lis Olimpiadi di Scacs. Al redaç lis normis e lis regulis dal zûc, al calcole il rating Elo dai zuiadôrs e al dâ lôr titui internazionâi. Tal 1999, la FIDE e je stade ricognossude dal Comitât Olimpic Internazionâl, e doi agns dopo, lis normis cuintri il doping dal COI a son stadis introdusudis intes competizions di scacs.

Campions dal mont di scacs ^[2]

Tal 1886, trê club americans di scacs a organizarin une partide jenfri i doi zuiadôrs plui impuartants dal timp: Wilhelm Steinitz (Austrie) - Johannes Zukertort (Polonie). Par dâi plui publicitât, a àn comunicât che il vincidôr al sarês stât ricognossût come Campion dal mont. Steinitz al vincè e di chê volte indenant il monarcje al sielzè il sfidant e al defini lis condizions di zuiâ e finanziariis.

Tal 1924, la FIDE e ecirive di regolâle, ma i siei sfuarçs a falirin par vie de volantât iridusibil dal titulâr. Tal 1946, cu la muart di Alekhine, la FIDE ecjapà iniziative e emetè lis basis pe elezion dai candidâts pal titul vueit e pe maniere di determinâ i futûrs sfidants al campion.