Fanzine
On fanzine, c' est on ptit live u ene pitite gazete k' i n' est nén fabriké di manire industriyele et ki n' est nén vindou dins les livreyes. Cwand c' est ene gazete, i gn a sovint k' ene cope d' oteurs ; et sacwants côps, c' est ene seule djin ki fwait tot. Li mot egzistêye èn inglès dispu ls anêyes 1940.
Å pus sovint, cwand on fwait on fanzine, c' est djusse po s' plaijhi, et gn a waire d' egzimplaires. C' est eto ene manire di fé des tesses (po sayî ene manire di scrire, ene manire di dessiner) ; ça fwait k' sovint, les fanzines sont enimådjîs. Po cisse råjhon la, les fanzines sont foirt impôrtants dins l' dominne des bindes d' imådjes et dins l' culteure underground. Dispu ls anêyes 2000, i gn a eto des fanzines éndjolikes.
Ene ôte piceure di ç' sôte di lives, c' est k' leus oteurs sinnut sovint d' fås nos.
Ci n' est nén todi åjheye di fé l' diferince etur on fanzine ey on live eplaidî al mode del micro-edicion (les lives del coleccion Dîre èt scrîre è walon d'Émile Gilliard, metans).
Sacwants gazetes ki rshonnnut des fanzines
[candjî | candjî l’ côde wiki]- Gazetes fwaites al mwin : prumîs limeros del Rantoele, Intrez don
- Gazetes fwaites pa ene seule djin : Raboulets, Vès l' compernez-co (li gazete e gåmès di Jean-Luc Geoffroy)