Резолуція

See More

Резолу́ція —(лат. resolutio — рішеня, від resolvere — рішити, вырішити) документ, що фіксує рішеня, постановеня. Майчасто резолуцію приймают на зборах, нарадах, зъїздах, конференціях; ї вміщают у конци протоколу авадь пишут окремо і додают до нёго.

Тоже сьым термином може кликати ся письмовоє указаня руководителя сповнителю про характер, форму тай термин сповненя документа.

Елементами названого реквізіту є покуртаноє поименованя установы — доставателя документа, реґістраційный індекс, дата (у случаї потребности — година і минута) приход документа.

Складує ся з такых елементїв:

• Прозвище сповнителя;
• Содержаня дїй;
• Термин сповненя;
• Дата приятя резолуції;
• Особный підпис руководителя.

Ця резолуція Конґресу провінції Масачусетс від 24. марца 1775 рока, підписана Джоном Генкоком за пару тыжнїв до битв при Лексінгтоні тай Конкорді, призыват до переведеня колонії у «повный боронителный стан». Резолуціям часто передуют пункты «Зачим...», котрі говорят про причины авадь обґрунтованя слїдуючої резолуції.

Резолуція розміщає ся на площі реквізіту «адресат» авадь на инакій свободній площі письма.

У корпораціях

У корпораціях письмовоє рішеня иппен на хосен у трафунку рады діректорів корпорації, котра звычаём мусит дати свою загоду на купованя авадь продаваня нерухомости корпораціёв. Сякоє рішеня, высвідченоє секретарём корпорації, ґарантує другій сторонї угоды, що продаж быв бизувно загодженый. Инакі приклады замыкают у собі рішеня про одобреня відкрытя банковых конто авадь загоду на выпуск акцій корпорації.

Никати тоже

• Порядок роботы
• Тонкіньска резолуція
• Буджетна резолуція

Жерела

• https://web.archive.org/web/20111222032421/http://zakony.com.ua/lawbase.html?catid=8554

Література

• Т. І. Шинкаренко. Резолюція // Українська дипломатична енциклопедія: У 2-х т./Редкол.:Л. В. Губерський (голова) та ін. — К.:Знання України, 2004 — Т.2 — 812с. ISBN 966-316-045-4

Одкликаня

• Резолюція // Юридична енциклопедія : [у 6 т.] / ред. кол.: Ю. С. Шемшученко (відп. ред.) [та ін.]. — К. : Українська енциклопедія ім. М. П. Бажана, 2003. — Т. 5 : П — С. — 736 с. — ISBN 966-7492-05-2.
• Резолюція // Літературознавча енциклопедія : у 2 т. / авт.-уклад. Ю. І. Ковалів. — Київ : ВЦ «Академія», 2007. — М — Я. — С. 311.