Pergi ke kandungan

Epistemologi

Simbanai noputan
Mantad Wikipedia
See More

 

Epistemologi (lakuran Greek: ἐπιστήμη, romanized: epistēmē "koilaan" om λόγος logos, suul logik) nopo nga iso gana ponoriukan di bobos aralom kokomoi proses id goos maganu do koilaan. Mantad aspek boros, epistomologi kopogowit do rati 'ponoriukan kokomoi gana toilaan' (Theory of knowledge). Epistomologi nogi nga iso luyung falsagah fi pinointutun di Immanuel Kant maso ponoriukan dau kokomoi wolit do iso-iso gana koilaan, miagalko nunu it oilaan om nunu po it au po noilaan. [1]

Epistemologi nopo nga ponoriukan kokomoi ula do koilaan, huyadan om rasionalisme kotumbayaa. Ogumu pigaga'an id suang epistomologi, pigaga'an di poinlongkod id mogisusuai gana. iri no tu:

  1. Ponorindakan ula koilaan om nunu pionitan do ahal di kumaa konsep miagal ko katapatan, kotumbayaan om huyadan.
  2. Kobolingkahangan skeptisisme di mogisusuai
  3. Toud, kaida om skop toilaan om kotumbayaan di totopot
  4. Kointayadan kriteria do koilaan miampai justifikasi

Epistomologi nogi nga monimbar do poguhatan-poguhatan miagal:

  • "Nunu poposiliu do kotumbayaan di osonong sabaagi ahal di otopot?"
  • "Poingkuro yati koilo do koilo yati?"

Definisi

[simbanai | simbanai toud]

Epistemology nopo nga ponoriukan falsafah kokomoi toilaan om pionitan konsep, miagal ko' justifikasi. Lohoon nogi sabaagi do teori toilaan, mongilo iti do sandad om kawo do toilaan. Monoriuk nogi iti do toud toilaan miagal ko' persepsi, inferens, om testimoni, montok mamarati poingkuro owonsoi iti toilaan. Iso set poguhatan kokomoi gisom hombo om nunu toilaan, popoboros kokomoi nunu i milo om amu milo oilaan do tulun.[2] Konsep toponsol id epistemologi nopo nga kohompit no kotumbayaan, katapatan, hinta, om sabab.[3] Sabaagi iso mantad ko ra'an do falsafah, otulid iti do kaganaan miagal do etika, logik, om metafizik.[4] Sumuku nogi o istila diti kumaa pondirian poimbida sorupu fasafah id ra'an diti, miagal ko' epistemologiPlato om epistemologi Immanuel Kant.[5]

Monoriuk o epistemologi kokomoi poingkuro tulun do kaanu kotumbayaan. Papatantu iti do kotumbayaan toi ko' woyo manganu kotumbayaan i kogonopo do piawai toi ko' mantlamat epistemik toilaan om hombo i amu kalantoi, om nogi manahak panahangan kumaa kotumbayaan. Kagaanaan psikologi om sosiologi kognitif nogi nga kirahi nogi montok kotumbayaan om prosess kognitif di kohompit, nga monorisid id perspektif suai. Okon ko miagal epistemologi, kaganaan diti noopo nga monroiuk kotumbayaan di haro id tulun om poingkuro yolo do manganu dilo, okon ko manahang norma-norma panahangan proses dilo.[6] Id hal diti, epistemologi nopo nga disiplin normatif, om psikologi om sosiologi kognitif nopo nga disiplin deskdriptif.[7] Kopionit o epistemologi miampai ogumu disiplin deskriptif om normatif suai, miagal do' ra'an falsafah suai om nogi sains, miampai monoriuk prinsip-prinsip poingkuro aanu o toilaan.[8]

Hogot epistemologi nopo nga naanu mantad istilah ancient Greek ἐπιστήμη (episteme, kirati toilaan toi ko' mamarati) om λόγος (logos, kirati ponoriukan toi ko sabab), maya literal, ponoriukan do toilaan. Sundung haro gamut sajara di kumo, nowonsoi o istila diti ontok abad ko-19 montok sumuku kaganaan diti sabaagi iso ra'an falsafah di mitongkiad.[9]

Konsep toponsol

[simbanai | simbanai toud]

Sorupu epistemologi nopo nga monoriuk piipiro konsep impohon montok mamarati suang om sumondiu dilo montok mongintigas teori. Ogumu katangkangahaan id epistemologi tu mantad pertikaian kokomoi ula om guno konsep-konsep diti, miagal do kontroversi kokomoi definisi toilaan om tonggungan justifikasi id toilaan dilo.[10]

Toilaan nopo nga iso bontuk topurimanan, kosomokon, korotian toi ko' kabaalan. Bontuk dau di mogisuai-suai nopo nga kohompit kalantayon kognitif di popomilo sosongulun do papaharo pirmoutan epistemik miampai realiti.[11] Sorupu epistemologi nopo nga koubasanan mamarati toilaan sabaagi iso aspek id suang tinan sondiri, loolobi po sabaagi iso kaantakan mental kognitif di monguhup diolo mamarati, monorisid, om miromut miampai pomogunan.Sundung do rati teras diti nopo nga nosili fokus toponsol do sorupu epistemologi, haro nogi o rati suai do istila diti. Sabaagi poomitanan, epistemologi tinimungan monoriuk toilaan sabaagi ula sontinimungan tulun di miilang tua pomusarahan.[12]Istila nogi diti milo sukuon kumaa toilaan di poopion id dokumen om komputer. [13]

Toilaan misulak miampai ignorance, i asaru orotian maya otigas sabaagi aiso toilaalaan. Kasaasari nopo atanud o toilaan miampai kejahilan tu amu asaru o tulun do haro toilaan di poinggonop id tiso-iso kaganaan, om iti nopo nga poposondiu diolo kumaa maklumat di amu ogonop toi ko' amu atantu maamaso momonsoi kootuson.[14] Sundung do ogumu bontok kejahilan di milo ingkurian maya pondidikan om ponoriukan, had pointantu id pomorotian tulun nopo nga kaantob diti.[15] Piipiro rontob di kiula sandad id kaabalon kognitif tulun di sondiri, miagal do, amu abaal do koilo fakta di nadalaan apagon do rotian do pomusarahan tulun.[16] I suai nogi nga somondiu kumaa kaantakan solian di aiso akses kumaa toilaan di poinhompit.[17]

Amu miunung o sorupu epistemologi kokomoi songkuro kopio karati tulun do tiso-iso. Sabaagi poomitanan, misuai o pomusarahahn diolo id kotumbayaan kasala ii milo po anggapon sabaagi toilaan, toi ko' nung toilaan dii nopo nga nuru do kepastian pointopot. Pendirian bobos apatat di igitan do skeptik radikal , i kipomusarahan do aiso toilaan potilompus di poinharo..[18]

Kawo

[simbanai | simbanai toud]
Black and white photo of a man wearing a dark suit, a white shirt, and a tie
Bertrand Russell ii minonimpuun pisuan do toilaan proposisional om toilaan maya pointutunan potilombus (knowledge by acquaintance).[19]

Popisuai o sorupu epistemologi do mogiisuai-suai kawo toilaan.[20] Kapansalan kopio diolo nopo nga kumaa toilaan kokomoi fakta, i lohoon sabaagi toilaan proposisional.[21] Iti nopo nga toilaan teori di milo barasan id ayat deklaratif momoguno klausa "do", miagal "Koilo i Ravi do sumimbul o kanggaru". Mantad dii, oilaan nogi iti sabaagi "toilaan-do".[22] Sorupu epistemologi asaru mamarati dilo sabaagi iso piromutan do tulun montok mongili proposi di noilaan, id kes diti maya sosongulun i kingaran Ravi om proposisi "sumimbul o kanggaru". Kiula iti do bibas tu amu ofokus kumaa iso tudu poimbida, miagal do' aiso toilaan praktikal. Iti nopo representasi mental di kiharo konsep om idea montok popokito realiti.[23] Sabab do ula teori diti, kasaasaii roiton nunu-nunu i kipomosurahan di oburu no, miagal tulun, i kiharo toilaan proposisional.[24]

Elemen epistemologi

[simbanai | simbanai toud]
  1. Kotumbayaan
  2. Kotumbayaan nuru do otopot
  3. Kotumbayaan nopo nga nuru kiwaa justifikasi toi ko roromu di ogirot ot timpohon

Kotumbayaan nopo nga nuru kiwaa justifikasi toi ko roromu di ogirot ot timpohon

[simbanai | simbanai toud]

Toinsanai kotumbayaan dati nopo nga iso bontuk koilaan. Poomitanan, kotumbayaan kokomoi fenomena di notolinahas id iso-iso teori nopo nga iso koilaan di nuru do tumboyoon.

Kotumbayaan

[simbanai | simbanai toud]

Iso-iso koilaan kotumbayaan dati nuru do otopot, miagal ko otumbayaan yati do teori atom, nuru yati do otumbayaan do toinsanai bontuk nopo nga nokoturidong mantad ogumu atom-atom kecil.

Kotumbayaan nopo nga nuru kiwaa justifikasi toi ko roromu di ogirot ot timpohon

[simbanai | simbanai toud]

Kotumbayaan nopo nga nuru so haro huyadan do kiimpohon togirot mantad koilaan-koilaan di otopot. Elemen-elemn aspek diti nopo nga, kotumbayaan dati di okon ko mitos, kiwaa huyadan om otopot.

Sukuon

[simbanai | simbanai toud]
  1. ↑ Porter, Noah, ed. (1913). "Epistemology". Webster's Revised Unabridged Dictionary. G & C. Merriam Co. p. 501. Pinoopi mantad sand̠ad ontok 15 October 2013. Linoyog ontok 29 January 2014. E*pis`te*mol"o*gy (?), n. [Gr. knowledge + -logy.] The theory or science of the method or grounds of knowledge.
  2. ↑ Templat:Multiref
  3. ↑ Templat:Multiref
  4. ↑ Templat:Multiref
  5. ↑ Templat:Multiref
  6. ↑ Templat:Multiref
  7. ↑ Crumley II 2009, p. 16
  8. ↑ Templat:Multiref
  9. ↑ Templat:Multiref
  10. ↑ Templat:Multiref
  11. ↑ Templat:Multiref
  12. ↑ Templat:Multiref
  13. ↑ Templat:Multiref
  14. ↑ Templat:Multiref
  15. ↑ Templat:Multiref
  16. ↑ Templat:Multiref
  17. ↑ Templat:Multiref
  18. ↑ Templat:Multiref
  19. ↑ Templat:Multiref
  20. ↑ Templat:Multiref
  21. ↑ Templat:Multiref
  22. ↑ Templat:Multiref
  23. ↑ Templat:Multiref
  24. ↑ Pritchard 2013, p. 4
Naanu mantad "https://dtp.wikipedia.org/w/index.php?title=Epistemologi&oldid=22016"